Urdu Khabrain
Urdu Khabrain is the world most populated Urdu News website. You can find and read daily Urdu news.

تندولکر کی بیٹی کو ہراساں کرنے والا شخص گرفتار

0

پولیس کے مطابق دیبکمار کا کہنا ہے کہ اس نے پہلی بار سچن تندولکر کی بیٹی کو کرکٹ سٹیڈیم میں دیکھا تھا
نڈیا میں پولیس نے ایک شخص کو کرکٹر سچن تندولکر کی بیٹی کو حراساں کرنے کے الزام میں گرفتار کیا ہے۔

دیبکمار میٹی پر الزام ہے کہ انھوں نے سچن تندولکر کے گھر 20 سے زیادہ بار فون کیا اور سارا تندولکر کو دھمکیاں دیں کہ اگر انھوں نے اس سے شادی سے انکار کیا تو وہ سارا کو اغوا کر لے گا۔

انڈین اخبار ہندوستان ٹائمز کے مطابق دیبکمار کے گھر والوں کا کہنا ہے کہ اس کا دماغی توازن درست نہیں ہے اور وہ سچن کو اپنا سسر کہتا ہے۔

اطلاعات کے مطابق یہ شخص انڈیا کی ریاست مغربی بنگال کا رہائشی ہے اور اتوار کو اسے وہیں سے حراست میں لیا گیا۔

خیال رہے کہ سارا تندولکر ممبئی میں اپنے والدین کے ساتھ رہتی ہیں اور اس شخص کے خلاف انھوں نے ممبئی پولیس کو ہی شکایت درج کروائی تھی۔

پولیس نے بی بی سی کو بتایا ہے کہ اس شخص کو گرفتار کر کے ممبئی لایا گیا ہے اور پیر کو اسے عدالت کے سامنے پیش کیا جائے گا۔

پولیس کے مطابق دیبکمار کا کہنا ہے کہ اس نے پہلی بار سچن تندولکر کی بیٹی کو کرکٹ سٹیڈیم میں دیکھا تھا۔

اس شخص کے مطابق تندولکر کے گھر کا فون نمبر اس نے اپنے ایک رشتہ دار کے ذریعے حاصل کیا، تاہم پولیس اس بارے میں تحقیقات کر رہی ہے

Loading...

Get real time updates directly on you device, subscribe now.

تبصرے