Urdu Khabrain
Urdu Khabrain is the world most populated Urdu News website. You can find and read daily Urdu news.

رات کو جاگنے والے افراد کے لیے خطرے کی گھنٹی

0 31

کیا آپ کا شمار ایسے افراد میں ہوتا ہے جو ساری رات جاگتے ہیں اور کمپیوٹر پر اپنے بیشتر کام رات کو ہی نمٹاتے ہیں؟ اگر ہاں تو آپ اپنے آپ کو سخت خطرات میں مبتلا کرر ہے ہیں۔

حال ہی کی جانے والی ایک تحقیق کے مطابق رات دیر تک یا ساری رات جاگنے والے افراد میں، رات جلد سونے اور صبح جلد اٹھنے والوں کی نسبت قبل از وقت موت کا خطرہ 10 فیصد زیادہ ہوتا ہے۔

ماہرین کے مطابق نیند انسانی جسم کے لیے بے حد ضروری ہے تاہم اس کے فوائد اسی وقت حاصل کیے جاسکتے ہیں جب جسم کے اندر نصب حیاتیاتی گھڑی پر کاربند رہا جائے اور فطرت کے مطابق رات میں نیند کی جائے اور دن میں کام کیا جائے۔

اس کے برعکس اگر ساری رات جاگ کر سارا دن بھی سویا جائے تب بھی جسم کی نیند کی ضرورت پوری نہیں ہوگی۔

ماہرین کا کہنا ہے کہ رات کو جاگنے والے افراد کی اندرونی حیاتیاتی گھڑی بیرونی ماحول سے مطابقت نہیں رکھتی یہی وجہ ہے کہ انہیں رات میں سونے میں مشکل پیش آتی ہے۔

تحقیق میں بتایا گیا کہ رات کو جاگنے والے افراد میں ذیابیطس، مختلف جسمانی و اعصابی عارضوں، ذہنی تناؤ اور کسی بھی نشے کے عادی ہوجانے کے امکانات بڑھ جاتے ہیں۔

علاوہ ازیں یہ عادت دماغی خلیوں کے درمیان رابطے کو سست کرتی ہے جس کے بعد دماغ کی کارکردگی کم ہونے لگتی ہے۔

تاہم ماہرین کا کہنا ہے کہ کچھ تراکیب اپنا کر اپنی حیاتیاتی گھڑی کو فطرت کے مطابق کیا جاسکتا ہے جس کے بعد نیند کے مسائل سے چھٹکارہ پایا جاسکتا ہے۔

ماہرین کے مطابق کوشش کریں کہ رات کے وقت کم سے کم روشنی استعمال کریں، جبکہ دن کی روشنی سے بھرپور طور پر مستفید ہوں۔

ان کے مطابق روشنی ہمارے دماغ کو جگا دیتی ہے جبکہ اندھیرا دماغ کو پرسکون کرتا ہے جس کے بعد ہمیں اندھیرے میں نیند آنے لگتی ہے۔

سونے کا وقت مقرر کریں اور روزانہ اسی وقت بستر پر جائیں۔

اپنے کاموں کو دن کے اوقات میں نمٹا لیں اور رات میں کرنے کے لیے کوئی بھی کام نہ چھوڑیں۔

loading...

Get real time updates directly on you device, subscribe now.

Loading...