Urdu Khabrain
Urdu Khabrain is the world most populated Urdu News website. You can find and read daily Urdu news.

بلیک بیری کا اینڈرائیڈ فون سامنے آگیا

0 15

ٹورنٹو: موبائل فون بنانے والی معروف کمپنی بلیک بیری اینڈرائیڈ فون کے ساتھ میدان میں اترنے کے لیے بالکل تیار ہے۔

تفصیلات کے مطابق بلیک بیری کی جانب سے کافی عرصے بعد اعلان کیا گیا تھا کہ جلد کمپنی کی جانب سے جلد اسمارٹ فون متعارف کرایا جائے گا جس میں اینڈرائیڈ ورژن ہوگا۔

موبائل اور ٹیبلیٹ تیار کرنے والی معروف کمپنی کی جانب سے آئندہ چند دنوں میں اسمارٹ فون امریکا میں ہونے والی ٹیکنالوجی کی نمائش میں متعارف کرایا جائے گا جن کی تصاویر اور تفصیلات سامنے آگئی ہیں۔

ٹیکنالوجی پر نظر رکھنے والی ویب سائٹ کے مطابق فون رواں ماہ 7 جون کو متعارف کرایا جائے گا جسے بلیک بیری 2 کا نام دیا گیاہے، اب تک آنے والی اطلاعات کے مطابق اینڈرائیڈ ڈیوائس میں دو کیمرے ہوں گے جبکہ اسے ان لاک کرنے کے لیے فنگر پرنٹس کی ضرورت درکار ہوگی۔

BlackBerry Key2 pic.twitter.com/4YMZ2hxUYP

— Evan Blass (@evleaks) June 4, 2018

حیران کن بات یہ ہے کہ بلیک بیری نے اپنی روایت کو برقرار رکھتے ہوئے فون میں بٹن والا کی بورڈ دیا ہے اس کے علاوہ اسکرین ٹچ کر کے بھی فون کو چلایا جاسکے گا۔

اب تک سامنے آنے والی اطلاعات کے مطابق بلیک بیری 2 میں 8 اور 12 میگا پکسل کے فرنٹ اور بیک کیمرے ہوں گے جبکہ 4 جی بی اس کی ریم ہوگی علاوہ ازیں موبائل کی اسٹوریج 64 سے 128 گیگا بائٹس تک ہوگی جس کو بڑھانے کے لیے میموری کارڈ کا سلاڈ بھی دیا گیا ہے ،کمپنی کی جانب سے تاحال قیمت کا اعلان نہیں کیا گیا۔

pic.twitter.com/uJPnsD3KsR

— Evan Blass (@evleaks) June 4, 2018

خیال رہے کہ اسمارٹ فون متعارف ہونے کے بعد بلیک بیری وہ واحد کمپنی تھی جس نے اپنی جدید سہولیات اور فیچرز کی وجہ سے مختصر وقت میں کامیابی کے جھنڈے گاڑھے تھے مگر کچھ عرصے سے بلیک بیری اپنے صارفین کو متاثر کرنے میں ناکام نظر آرہی تھی۔

Loading...

Get real time updates directly on you device, subscribe now.

Loading...