Urdu Khabrain
Urdu Khabrain is the world most populated Urdu News website. You can find and read daily Urdu news.

جسٹس ریٹائرڈ دوست محمد خان نے نگراں وزیراعلیٰ خیبرپختونخوا کا حلف اٹھالیا

0

پشاور : جسٹس ریٹائرڈ دوست محمدخان نے نگراں وزیراعلیٰ خیبرپختونخوا کا حلف اٹھالیا،نگراں وزیراعلیٰ خیبر پختونخوا نے کہا کہ شفاف انتخابات کی بھرپور کوشش کریں گے۔

تفصیلات کے مطابق پشاور میں گورنر ہاؤس میں نگراں وزیراعلیٰ خیبرپختونخوا کی حلف برداری کی تقریب ہوئی ، جس میں جسٹس ریٹائرڈ دوست محمد خان نے نگراں وزیراعلیٰ خیبر پختونخوا کا حلف اٹھایا، گورنر ظفر اقبال جھگڑا نے نگران وزیر اعلی سے حلف لیا۔

تقریب حلف براداری میں پرویز خٹک سمیت دیگر سیاسی رہنما شریک ہوئے۔

حلف برداری کے بعد میڈیا سے گفتگو میں کرتے ہوئے فاف انتخابات کی بھرپورکوشش کریں گے،نگراں وزیراعلیٰ خیبرپختونخوا نے کہا کہ کہا کہ شفاف انتخابات کی بھرپور کوشش کریں گے، ایسے اقدامات کریں گے تاکہ امیدوار مطمئن رہیں، کوشش ہوگی جو فرض سونپا گیا اسے خوش اصلوبی سے سرانجام دیں۔

دوست محمد خان کا کہنا تھا کہ کوشش کریں گے عوام کو زیادہ سے زیادہ ریلیف دیں، صوبائی کابینہ میرٹ پر بنے گی،تعداد کم رکھیں گے، سابقہ حکومت نے بجٹ پاس نہیں کیا، بجٹ کے حوالے سے بھی معاملات دیکھیں گے۔

یاد رہے کہ دوست محمد خان کو الیکشن کمیشن نے نگراں وزیراعلیٰ منتخب کیا تھا۔

اس سے قبل حکومت اور اپوزیشن نگراں وزیر اعلیٰ خیبر پختونخواہ کے معاملے پر کسی حتمی نتیجے پر نہیں پہنچ سکے تھے جس کے بعد معاملہ پارلیمانی کمیٹی کے سپرد کیا گیا تھا تاہم پارلیمانی کمیٹی بھی نگراں وزیر اعلیٰ کا فیصلہ کرنے میں ناکام رہی جس کے بعد معاملہ الیکشن کمیشن کے پاس چلا گیا۔

جسٹس ریٹائرڈ دوست محمد خان 20 مارچ 1953 میں پختونخواہ کے شہر بنوں میں پیدا ہوئے۔ ابتدائی اور ثانوی تعلیم بنوں سے حاصل کی جبکہ گورنمنٹ سندھ مسلم لا کالج کراچی سے وکالت کی ڈگری حاصل کی۔

انہوں نے امریکا اور برطانیہ سے بھی وکالت سے متعلق چند مختصر کورسز کیے۔

دوست محمد خان نے سنہ 1976 سے وکالت کی پریکٹس کا آغاز کیا۔ انہوں نے سیشن اور ہائی کورٹ کے ساتھ سپریم کورٹ میں بھی اپنی خدمات انجام دیں۔

وہ سنہ 1986 سے 87 تک ڈسٹرکٹ بار ایسوسی ایشن بنوں کے صدر بھی رہے جبکہ 1999 سے 2000 تک پشاور ہائی کورٹ بار ایسوسی ایشن ڈی آئی خان بینچ کے صدر بھی منتخب ہوئے۔

نومبر 2011 میں انہیں پشاور ہائی کورٹ کا چیف جسٹس منتخب کیا گیا۔ دو سال تک اس عہدے پر رہنے کے بعد وہ سپریم کورٹ میں اپنی خدمات انجام دینے لگے۔

Loading...

Get real time updates directly on you device, subscribe now.

تبصرے