Urdu Khabrain
Urdu Khabrain is the world most populated Urdu News website. You can find and read daily Urdu news.

ممبئی میں شہری کی جیب میں موبائل فون پھٹ گیا

0

ممبئی: بھارت کے شہر ممبئی میں شہری کی جیب میں موبائل فون پھٹ گیا جس کے نتیجے میں شہری زخمی ہوگیا جسے اسپتال منتقل کردیا گیا۔

بھارتی میڈیا رپورٹس کے مطابق ممبئی بھندوپ کے علاقے میں شہری ہوٹل میں کھانا کھا رہا تھا کہ اچانک جیب میں موبائل پھٹ گیا، موبائل پھٹنے کے باعث شہری معمولی زخمی ہوگیا اور اسے فوری طور پر ہسپتال منتقل کیا گیا۔

چار جون کو جاری ہونے والی سی سی ٹی وی فوٹیج میں دیکھا جاسکتا ہے کہ ایک شہری ہوٹل میں کھانا کھا رہا ہے اور اچانک موبائل فون پھٹنے کے سبب اچھل جاتا ہے جبکہ ہوٹل میں موجود دیگر لوگ ہوٹل سے بھاگ جاتے ہیں۔

#WATCH: Mobile phone blasts in man’s pocket in Mumbai’s Bhandup. (Source: CCTV Footage) (4.6.2018) pic.twitter.com/2oC9uudHq6

— ANI (@ANI) June 5, 2018

گزشتہ سال اکتوبر میں بھی دہلی سے اندور جانے والے والی فلائٹ میں موبائل فون پھٹ گیا تھا، فلائٹ میں 120 مسافر سوار تھے تاہم کریو ممبر کی جانب سے موبائل فون کو پانی میں ڈالنے کے سبب طیارے کو باحفاظت لینڈ کرلیا گیا تھا۔

دہلی کے رہائشی خاتون نے اپنا ہینڈبیگ سیٹ کے نیچے رکھا تھوڑی دیر بعد اس میں سے دھواں نکلنے لگا، خاتون نے اس کا نوٹس لیتے ہوئے ایئرہوسٹس کو مدد کے لیے طلب کیا، ایئرہوسٹس کی جانب سے موبائل فون کو پانی کی ٹرے میں ڈالا گیا۔

واضح رہے کہ کراچی میں بھی نوجوان لڑکی اپنے موبائل پر گانے سننے میں مشغول تھی کہ اچانک اس کا موبائل فون دھماکے سے پھٹ گیا جس کے نتیجے میں لڑکی جھلس گئی اوراسے تشویشناک حالت میں سول اسپتال کے برن سینٹر میں داخل کرایا گیا۔

Loading...

Get real time updates directly on you device, subscribe now.

تبصرے