Urdu Khabrain
Urdu Khabrain is the world most populated Urdu News website. You can find and read daily Urdu news.

ڈاکٹروں نے پیٹ میں پھنسا ایک فٹ کا بینگن آپریشن کرکے نکال لیا

0

بیجنگ: چین میں ڈاکٹروں نے ایک شخص کے پیٹ میں پھنسا ایک فٹ لمبا بینگن سالم حالت میں سرجری کرکے نکال لیا۔ متاثرہ شخص نے قبض کی شکایت رفع کرنے کے لیے بینگن کا استعمال کرنے کی کوشش کی تھی۔

تفصیلات کے مطابق 12 انچ لمبایہ بینگن پچاس سالہ شخص کے جسم میں دو دن تک پھنسا رہا جس کے سبب اسے شدید درد اور الٹیوں کی شکایت پیدا ہوئی، بالاخر دو دن بعد اس نے طبی امداد کے لیے رجوع کیا جس پر اس کا فوری طور پر آپریشن کیا گیا۔

اسپتال ذرائع کا کہنا ہے کہ متاثرہ شخص کو قبض کی شکایت تھی اور بجائے اس کے کہ وہ اپنی بیماری کے علاج کے لیے ڈاکٹروں سے رجوع کرتا، اس نے گھریلو ٹوٹکا سمجھ کر انڈے کی شکل والے اس بینگن کو مقعد کے راستے اپنی آنت میں داخل کردیا۔

متاثرہ شخص کا کہنا ہے کہ اسے دو دروز سے شدید قبض کی شکایت تھی ، جسے رفع کرنے کے لیے اس نے بینگن کو اپنی آنت میں داخل کرنے کا فیصلہ کیا، اس کا خیال تھا کہ اس طرح اس کی حاجت رفع ہوجائے گی ، مگر بدقسمتی سے بینگن اس کی آنت کے اندر گہرائی تک داخل ہوتا گیا یہاں تک کہ اس کے جسم میں اندر جاکر پھنس گیا۔

آپریشن سے قبل کیے گیے اسکین میں دیکھا جاسکتا ہے کہ بینگن اس کی آنت میں سفر کرتا ہوا پیٹ تک پہنچ گیا، جہاں وہ مزید دو دن تک رہا ۔ جب مریض کو اپنی حاجت کسی صورت رفع ہوتی نظر نہ آئی تو اس نے طبی امداد حاصل کرنےکا فیصلہ کیا ۔

ڈاکٹروں کے مطابق اس عمل سے مریض کو پھیپڑوں میں جلن شروع ہوگئی تھی اور اسکے نظامِ انہضام میں شدید گڑبڑ پیدا ہوئی ۔ ڈاکٹروں نے آپریشن کے ذریعے بینگن کو سالم حالت میں ہی باہر نکال لیا، تاہم یہ بات معلوم نہیں ہوسکی کہ مریض کی قبض کی شکایت رفع ہوئی یا وہ ابھی بھی باقی ہے۔

Loading...

Get real time updates directly on you device, subscribe now.

تبصرے