Urdu Khabrain
Urdu Khabrain is the world most populated Urdu News website. You can find and read daily Urdu news.

کال کوٹھری سامنے دیکھ کر بھی پاکستان جارہا ہوں، نوازشریف

0 23

سابق وزیراعظم نوازشریف نے کہا ہے کہ جیل کی کال کوٹھری سامنے دیکھ کر بھی پاکستان جارہا ہوں،اس مشکل وقت میں اپنی قوم کو تنہا نہیں چھوڑ سکتا۔

لندن میں مریم نواز کے ہمراہ پریس کانفرنس کرتے ہوئے نواز شریف نے کہا کہ اب جیل جانا پڑے یا پھانسی پر چڑھایا جائے لیکن اب ان کے قدم نہیں رکیں گے۔

انہوں نے کہا کہ ووٹ کو عزت دو کا وعدہ پورا کرنے جارہا ہوں،کیا پاکستان کی تاریخ میں کوئی سخص 11 سال قید بامشقت کی سزا سننے کے بعد پاکستان واپس آیا ہے؟

نوازشریف نے یہ بھی کہا کہ لکھنا پڑا کہ میرے خلاف کرپشن کا کوئی ثبوت نہیں ملا، فیصلے میں لکھا گیا کہ نواز شریف کو کرپشن کے الزامات سے بری کیا جاتا ہے۔

سابق وزیراعظم میاں نواز شریف نے کہاکہ میری اہلیہ اب تک ہوش میں نہیں ہیں،انہیں اللہ کے سپرد کرکے جارہا ہوں،معلوم نہیں کب اور کس حال میں انہیں دیکھوں۔

انہوں نے کہا کہ وہ بھی سن لیں جو میری سیاسی پناہ کے دعوے کررہے تھے ،اب میرے قدم نہیں رکیں گے،قوم کا سر جھکنے نہیں دوں گا،میری بیٹی اور داماد کو ظالمانہ سزاسنائی گئی ۔

نواز شریف نے یہ بھی کہا کہ سزا میری بیٹی کو نہیں پوری قوم کی بیٹوں کو سنائی گئی ،ان سزائوں کے لئے تیار ہوں،مجھے اپنے حقیقی جرائم کا اندازہ ہے۔

Loading...

Get real time updates directly on you device, subscribe now.

Loading...