Urdu Khabrain
Urdu Khabrain is the world most populated Urdu News website. You can find and read daily Urdu news.

پی ٹی آئی نے بلوچستان نیشنل پارٹی سے مرکز میں حمایت مانگ لی

0

اختر مینگل نے ملاقات میں پی ٹی آئی وفد کو 6 نکاتی مطالبات کی فہرست دی ہے، ذرائع

تحریک انصاف نے مرکز میں وزارت عظمیٰ کے لیے بلوچستان نیشنل پارٹی سے حمایت مانگ لی ہے۔

اسلام آباد میں تحریک انصاف کے وفد نے بلوچستان نیشنل پارٹی کے سربراہ اختر مینگل سے ملاقات کی، پی ٹی آئی کے وفد میں سردار یار محمد رند اور نعیم الحق شریک تھے۔ اس موقع پر تحریک انصاف نے وزارت عظمیٰ کے لیے بلوچستان نیشنل پارٹی سے مرکز میں حمایت مانگی جب کہ اختر مینگل نے ملاقات میں پی ٹی آئی وفد کو 6 نکاتی مطالبات دیتے ہوئے کہا کہ ہمارے 6 نکاتی مطالبات وہی ہیں جو گزشتہ حکومتوں سے تھے۔

ملاقات کے بعد میڈیا سے گفتگو میں سردار اختر مینگل کا کہنا تھا کہ ہم نے تحریک انصاف کے سامنے بلوچستان کے دیرینہ مسائل رکھے اور جب تک کور ایشوز حل نہیں کیے جاتے بلوچستان کی ترقی ناممکن ہے، 6 اہم معاملات پر آج تک کسی حکومت نے توجہ نہیں دی تاہم ہمیں اگر مثبت جواب ملا تو اگلی ملاقات کیلئے تیار ہیں۔

اس موقع پر ترجمان پی ٹی آئی نعیم الحق نے کہا کہ عمران خان کی بطور وزیر اعظم ذمہ داری ہوگی کہ بلوچستان کے مسائل کا حل نکالیں جب کہ ہم کوشش کررہے ہیں کہ آج اختر مینگل اور عمران خان کی ملاقات ہو جائے۔

اس خبر کو بھی پڑھیں : ایم کیوایم کا وفاق میں تحریک انصاف کی حمایت کا فیصلہ 

واضح رہے کہ  گزشتہ روز متحدہ قومی موومنٹ پاکستان نے وفاق میں حکومت سازی کے لیے تحریک انصاف کا ساتھ دینے کا فیصلہ کرتے ہوئے کہا تھا کہ حکومت سازی کے معاملے پر پی ٹی آئی کےساتھ تعاون کریں گے جب کہ ایوان میں اپوزیشن کے بجائے حکومتی بینچز پر بیٹھیں گے۔

Loading...

Get real time updates directly on you device, subscribe now.

تبصرے