Urdu Khabrain
Urdu Khabrain is the world most populated Urdu News website. You can find and read daily Urdu news.

خیبرپختونخوا کے وزیراعلیٰ کا اعلان 7 اگست تک کردیا جائے گا، شوکت یوسف زئی

0

مسلم لیگ( ن) نے 5 سالوں میں بجلی نہ بنا کر ملک دشمنی کی ہے۔ رہنما پی ٹی آئی فوٹو:فائل

پشاور: پاکستان تحریک انصاف کے رہنما شوکت یوسف زئی کا کہنا ہے کہ خیبر پختونخوا کے وزیر اعلیٰ کا اعلان 7 اگست تک کردیا جائے گا۔           

پاکستان تحریک انصاف کے رہنما شوکت یوسف زئی نے کہا ہے کہ ناکام سیاستدان مل کر بھی تبدیلی کو نہیں روک سکتے، پاکستان غلامی سے آزاد ہوا ہے عوام ترقی وخوشحالی چاہتے ہیں۔ مسلم لیگ (ن) نے 5 سال میں بجلی نہ بنا کر ملک دشمنی کی ہے، قومی اداروں کی تضحیک ہرگز برداشت نہیں ہوگی۔

رہنما پی ٹی آئی نے کہا بیرونی قرضوں سے اپنے خزانے بھرنے والوں کو قوم نے مسترد کردیاہے، بڑے بڑے سیاسی برج گراکرعوام نے انتقام لیا ہے، اس لیے کچھ رہنما پارلیمنٹ سے باہر ہوکر مچھلی کی طرح تڑپ رہے ہیں۔ عمران خان نے موجودہ فرسودہ نظام ختم کرنے کے لیے 22 سال جدوجہد کی، مسترد شدہ سیاستدان عمران خان کے ایجنڈے سے خوفزدہ ہیں۔

شوکت یوسف زئی نے کہا خیبرپختونخوا میں حکومت سازی میں کوئی مشکلات نہیں، پی ٹی آئی حکومت عوام کو ریلیف دے گی، جب کہ کے پی کے وزیر اعلیٰ کا اعلان 7 اگست تک کردیا جائے گا۔

Loading...

Get real time updates directly on you device, subscribe now.

تبصرے
Loading...