اچھا بولنے کا مشورہ دینے پر صدف کنول کا منشا پاشا کو جواب

0

اسلام آباد (ایجنسیاں)پاکستانی ماڈل صدف کنول نے اداکارہ منشا پاشا کی جانب سے خود پر کی جانے والی حالیہ تنقید پر خاموشی توڑتے ہوئے انہیں جواب دے ڈالا۔ تفصیلات کے مطابق گزشتہ دنوں منشا پاشا نے ماڈل صدف کنول، گلوگارہ مومنہ مستحسن اور اداکارہ حرا مانی کے حالیہ بیانات پر تنقید کرتے ہوئے شوبز انڈسٹری کی خواتین کو اچھا بولنے کا مشورہ دیا تھا۔منشا پاشا نے صدف کنول کے اس بیان پر افسوس کا اظہار کیا تھا، جس میں ان کا کہنا کہ جب خواتین کے ساتھ زیادتی ہوتی ہے تو وہ اْس وقت کیوں آواز نہیں اٹھاتیں، بعد میں کیوں می ٹو بولتی ہیں۔منشا پاشا کی تنقید پر صدف کنول نے نام لیے بغیر ہی انسٹاگرام پر اسٹوری شیئر کی اور لکھا کہ ہم آپ کو کپڑے پہننا سکھاتے ہیں، آپ ہمیں اچھا بولنا سکھا دیں۔ اب صدف کنول نے تو بظاہر اپنے دل کی بھڑاس نکال لی۔

شاید آپ یہ بھی پسند کریں
Loading...
تبصرے
Loading...